Heyy, I decided to write this post in Arabic, so leave your
feedbacks about this post please, and yeah tell me if you like me posting in Arabic
or you prefer in English? xx
This post is dedicated to my lovely reader @feelingspeaks :*
ايام اللي ابحبه خسارة .. نوى
الهجر من دون سبه ...
عيش خفوقي في مرارة .. خلا فؤادي
يحبه اوو يحبه ..
اول شي ابي
اهدي كل اللي يبي يكتبه قلبي من كلمات حق اي شخص ذاق طعم الخيانة او سمع فيها ...
في وايد
انواع من الخيانة, اكو خيانه بين الاصدقاء, واكو خيانة بين الاهل. بس اكثر شي يعور
القلب من وجهة نظري لما يكون عندك انسان عديته اعز شي تملكه و اهو عادك ارخص شي ..
لا و كنت مستعد اتظحي عشانه وسعادتك و
تعاستك مرتبطه فيه .. باختصار كان اهو كل حلمك الجميل.
بس مع
الاسف كل حلم صعب تحقيقه و هذا الشخص كان مجرد "حلم" وما نوعى الا واحنا
نصحصح على طعنات اقرب الناس لنا ..
لا تصدق كل
ما تراه عينك ..
بقول لكم
قصة واقعية عن بنت خانتها رفيجتها و خانت العشره اللي بينهم عشان (قلب) ميت من
الاحساس ..
سارة و
دانة رفيجات من ايام الابتدائي, كانوا
حييل ويا بعض .. يعني ما يمر يوم إلا لازم يتشاوفون او على الأقل يسولفون
بالتليفون .. و كانوا يخططون حق مستقبلهم ويا بعض , لا مو بس جذي حتى ساره كانت
تقول حق دانه, اذا تزوجنا ويبنا عيال بزوج ولدي حق بنتج عشان نظل ربع طوول عمرنا و
مايفرقنا الزمن ..
بس محد
يعرف شنو خاش له القدر .. و دانة بنت طيبه على نياتها ..
تمر الايام
.. تخرجوا من الثانوية وراحوا نفس الجامعة ..و مع الايام طلع في واحد معاهم
بالجامعة انعجب بدانه و كان يحاول يتقرب منها بس في البداية دانة ماكانت تعطيه ويه
.. اخر شي يوم عرفت ان اهو يبيها بالحلال يعني يبيها تصير مرته (زوجته) ارتاحت له
.. و شوي شوي قام يبدي الحب و الغزل بينهم ... و كانت سارة تراقبهم و بقلبها غيره
و حسد ..
يوم من
الايام اتصلوا الجامعة على دانه و طلبوا منها تيي ضروري اهناك .. دانة راحت الجامعة و نست تبلغ حبيبها ليش
كانت مستعيله ..
ولما وصلت
عند الكافتيريا مالت الجامعة شافت صدمت حياتها ..
شافت رفيجت
عمرها اللي عدتها اغلى من روحها ويا حبيبها اللي تخيلت نفسها لابسه النفنوف الابيض
حقه بنفس الطاولة قام يضحكون بس اكثر شي هزها يوم شافت حبيبها يلبس سارة الخاتم.
بعد
هالموقف انقطعت علاقة دانة مع سارة و اللي كانت تحسبه حبيبها .. بس تدرون اللي صار
خيره لدانة .. ؟
يعني
تخيلوا معاي لو دانة كبرت و تزوجت حبيبها و يابت عيال منه .. و ساره ليلحين رفيجتها ما توقعون ان
بصير شي بين سارة و ريل دانه ؟
اللي ابي
اوصل لكم اختاروا ربعكم عدل! و توقعوا اي شي من هالدنيا ... ولا تنصدمون اذا اقرب
الناس لكم اطعنوكم اب ظهركم .. ترى صار شي عاادي (روتين) اب هالزمن ..
بس يظل
السؤال .. منو نثق فيه اذا خاننا اقرب الناس لنا ؟
اقرب الناس
اللي صاروا عديمين الاحساس مثل الوحوش ماكوا اي تفكير او احساس او مشاعر ..
احنا كل
اللي ندورعليه بالدنيا هو قلب صادق و انسان يوقف معاك بالسراء و الضراء ..
بالنهايه
بس حبيت اقول لكل خائن عشره .. طول ما احنا مؤمنين بربنا راح نظل اقوياء و راح
نكمل حياتنا معاكم او بدونكم. و الخونه ما يستاهلون منا شي .. غير شي واحد ..
تدرون شنو ؟ .. غير لحظة نشطب فيها أساميهم و ذكرياتهم من قلوبنا و نكمل طريقنا
بكل عز و فخر ..
ابشرك قلبي نسى طعم اللآلام ...
نموت ولكن ما تموت الكرامة ...
دامك نويت الصد فالوعد قدام ...
من يومنا حتى تقوم القيامة ...
يا اللي تقول في غيبتك ايام و يرد
قلبي يشتكي من غرامه ...
بهديك للهجران عام ورا عام لا عاش
راسي لو رجع في كلامه ...
provide me with your feedbacks xx
Twitter: @advisoralflani
Ask.fm: http://ask.fm/advisoralflani
ليست هناك تعليقات:
إرسال تعليق